Maxfiylik siyosati

Kidopath (EduCoin) — ota-onalar va 5–18 yoshli bolalar uchun kundalik odat va yumushlar ilovasi. Bu sahifa ilova qaysi ma’lumotlarni yig‘ishi, ulardan nima uchun foydalanishi va qanday himoya qilishini tushuntiradi.

1. Qanday ma’lumotlar yig‘iladi

• Ota-ona hisobi: telefon raqami, ism, parol (faqat xesh ko‘rinishida saqlanadi), vaqt mintaqasi va til.
• Farzand profili: ota-ona kiritgan ism, tug‘ilgan yil (ixtiyoriy) va profil rasmi (ixtiyoriy). Bolaning telefon raqami yoki pochtasi so‘ralmaydi — bola ota-ona bergan kod bilan kiradi.
• Ilova ichidagi faoliyat: yumushlar, ularni bajarganini tasdiqlovchi rasm, ovoz yozuvi yoki matn, coinlar, sovg‘alar, o‘yin natijalari va 10 kunlik odat javoblari.
• Texnik ma’lumotlar: kirish seanslari uchun qurilma identifikatori, qurilma modeli, operatsion tizim va ilova versiyasi (qo‘llab-quvvatlash uchun), bildirishnoma (push) tokeni va xavfsizlik (ko‘p urinishlarni cheklash) uchun IP manzil.
• Ilovadan foydalanish: qaysi ekran qachon ochilgani (faqat ekran nomi va vaqti — ekrandagi matn, kiritilgan ma’lumot yoki rasm EMAS) va ilova o‘rnatilganda yasaladigan tasodifiy raqam. Ilovaning qayerida qiynalishayotganini ko‘rib, uni yaxshilash uchun; faqat bizning serverimizda saqlanadi, uchinchi tomonga berilmaydi va 90 kundan keyin o‘chiriladi.
• To‘lov: tarif, summa va to‘lov holati. Karta ma’lumotlari bizga KELMAYDI — to‘lov Payme sahifasida amalga oshiriladi.

2. Nima uchun foydalaniladi

• Ilova ishlashi uchun: hisobga kirish, yumush va sovg‘alarni ko‘rsatish, ota-onaga bolaning yuborgan isbotini tasdiqlash imkonini berish.
• Kirish kodini SMS orqali yuborish (parolni tiklash).
• Premium obunani berish va to‘lovni tasdiqlash.
• Xavfsizlik va suiiste’mollikning oldini olish.

3. Reklama, analitika va sotish

• Ilovada reklama YO‘Q. Reklama identifikatori ishlatilmaydi.
• Uchinchi tomon analitika yoki kuzatuv xizmatlari ishlatilmaydi.
• Ma’lumotlar hech kimga SOTILMAYDI va reklama maqsadida berilmaydi.

4. Kimlar bilan ulashiladi

• Payme — to‘lovni amalga oshirish uchun (telefon raqami va buyurtma raqami).
• Eskiz — SMS kod yuborish uchun (faqat telefon raqami).
• Google Firebase Cloud Messaging — bildirishnoma yetkazish uchun (faqat push tokeni va xabar matni).
• Bola yuborgan rasm va ovozni faqat shu bolaning ota-onasi ko‘radi. O‘yin reytingida faqat bolaning ismi (familiya qisqartirilgan) ko‘rinadi.
• Tarbiyachi — FAQAT ota-ona roziligi bilan: bola ilovada tarbiyachi kodini kiritadi, ota-ona tasdiqlasagina tarbiyachi bolaning ismi, yoshi, vazifalar ro‘yxati va holati, coin, seriya, 10 kunlik odat va o‘yin natijalarini ko‘radi. Rasm, ovoz va ota-onaning telefon raqami tarbiyachiga BERILMAYDI. Ota-ona yoki bola ulanishni istalgan payt uzadi — shundan keyin tarbiyachi hech narsa ko‘rmaydi.
• Qonun talab qilgan hollarda — vakolatli davlat organlariga.

5. Saqlash va himoya

• Ma’lumotlar himoyalangan serverlarda saqlanadi, ilova bilan server orasidagi aloqa shifrlangan (HTTPS).
• Yuklangan rasmlardan joylashuv va qurilma ma’lumotlari (EXIF) o‘chirib tashlanadi.
• Rasm va ovozlar faqat vaqtinchalik imzolangan havola orqali ochiladi.

6. Bolalar maxfiyligi

• Farzand profilini faqat ota-ona yaratadi va boshqaradi. Ota-ona istalgan payt farzand profilini o‘chira oladi.
• Biz bolalardan ota-ona roziligisiz shaxsiy ma’lumot so‘ramaymiz.

7. O‘chirish va sizning huquqlaringiz

• Hisobni ilovaning o‘zidan o‘chirish mumkin: Sozlamalar → Hisobni o‘chirish. Shunda hisob va farzandlar ma’lumotlari o‘chiriladi.
• Ma’lumotlaringizni ko‘rish, tuzatish yoki o‘chirishni so‘rash uchun biz bilan bog‘laning.

8. Bog‘lanish

• Savollar bo‘yicha: +998 99 588-88-98 yoki ilovadagi «Yordam → Yozish» bo‘limi.